erdoghan iqtisadiy islahat qanun layihesini élan qilidu

türkiye awazi radiyosi xewiri: iqtisadiy islahat qanun layihesi, makro iqtisad, qurulmiliq siyasetler, pul paxalliqi, nöwettiki hésabat qizil reqimi we ammiwi maliye qatarliqlarni öz ichige alidu.

jumhur reis rejep tayyip erdoghan, aldinqi yili noyabir éyida élan qilghan bayanatida, iqtisad we qanun saheliride yéngi bir islahat dewrini ishqa kirishtürgenlklirini éytqanidi.

jumhur reis erdoghanning bu uqturushidin kéyin, xezine we maliye ministiri lütfi elwanning rehberlikide, soda – sanaet dunyasining halqiliq teshkilatliri we munasiwetlik ammiwi teshkilatlar bilen uchrishishlar élip bérilip, telep we teklipler élindi.

bu uchrishishlarda, soda – sanaet dunyasining wekilliri, mejlisliri we ammiwi teshkilatlarning aldinqi pilangha chiqqan telep hem teklipliri muzakire qilindi.

makro iqtisad muqimliq siyasetliri we qurulmiliq siyasetlerni öz ichige alghan iqtisadiy islahat qanun layihesi, jumhur reis rejep tayyip erdoghan teripidin bügün chaqirilidighan «iqtisadiy islahat qanun layihesini tonushturush yighini» da élan qilinidu.