chawushoghlu küntertip toghrisidiki soallargha jawab berdi

türkiye awazi radiyosi xewiri: tashqi ishlar ministiri mewlüt chawushoghlu türkmenistandin bashlinip özbékstan we qirghizistan bilen dawamlashqan ziyaretlirini qatarda axirlashturdi. u türkiyege qaytish sepiride, türkiye radiyo-téléwiziye idarisi- t r t xeber qanilining tashqi xewerler mudiri özjan tikitning küntertipke munasiwetlik soallirigha jawab berdi.

u türkiye bilen misir otturisida diplomatik uchrishishlarning bashlanghanliqini bildürüp: «bizdin yaki misirliqlardin héchqandaq aldinqi shert qoyulmidi, otturida héchqandaq shert yoq. misir bilen hem istixbarat hemde diplomatik sewiyede uchrishishlirimiz bar. aldimizdiki künlerde diplomatlar sewiyeside we istixbarat sewiyeside uchrishishlar bolidu» dédi.

u qatar paytexti dohada rusiye tashqi ishlar ministiri sérgéy lawrow we qatar tashqi ishlar ministiri sheyx muhemmed bin abdurrahman eltani bilen ötküzülgen uchrishishlar toghrisida toxtaldi.

u: «bolupmu, süriyediki insaniy weziyetke qarshi qatarning téximu konkrét qedemlerni bésishni xalaydighanliqini körduq. buni ministirlar sewiyeside emeliyleshtürüshni qarar qilduq» dédi.

u amérika bilen bolghan uchrishishlarda, «S-400» ler toghrisida girit modélining küntertipke kelmigenlikini eskertti.

u seudi erebistanliq zhurnalist jamal qashiqchi jinayitidin kéyin, seudi erebistan we ereb birleshme xelipiliki bilen yirikleshken munasiwetlerning ijabiy signallar netijiside tüzülüshke bashlighanliqidin bésharet berdi.

u: «ebu zebidin téximu ijabiy signallarni anglawatimiz, türkiyege qaritilghan selbiy heriketlerning azayghanliqini körüwatimiz. ular bilen héchqandaq derdimiz yoq, emma ularning bizge bolghan pozitsiyesi selbiy idi.  seudi erebistan bilen bolghan munasiwetlirimizning tüzelmesliki üchün héchqandaq seweb boq. ijabiy qedem tashlisa, bizmu tashlaymiz. ereb birleshme xelipiliki üchünmu oxshash» dédi.

u afghanistanda, hökümet bilen taliban otturisida bashlanghan muzakireler üstide toxtalghanda: «aprél éyida afghanistan tinchliq musapisi yighinini ötküzüshni pilan qiliwatimiz» dédi.

u xitay tashqi ishlar ministiri wang yining rayon ziyariti dairiside türkiyege kélidighanliqi toghrisida melumat bérip: «25-martta türkiyege kélishni xalaydighanliqlirini éytti. ziyaretning küntertipide, ikki terep munasiwetliri, rayonluq mesililer, asiya we yawro-asiyagha munasiwetlik témilar bar. wuxen wirusi (Kovid-19) gha qarshi turushtin küntertiptiki barliq mesililer muzakire qilinidu» dédi.

u yawropa ittipaqi kéngishining bashliqi charliz mishél (Charles Michel) bilen türkiye-yawropa ittipaqi munasiwetliri toghrisida hel qilish pilani üstide xizmet qilish qarari élinghanliqini xatirilitip: «biz ulargha teklipimizni ewettuq, ulardin jawab kütüwatimiz» dédi.

u axirida, qibris uchrishishliri toghrisidimu toxtaldi we: «muzakire bashlansa yawropa ittipaqi közetküchi bolidu» dédi.