erdoghan türkiyening élip barghan we baridighan islahatliri toghrisida toxtaldi

türkiye awazi radiyosi xewiri: jumhur reis, qoshumche adalet we tereqqiyat partiyesi bashliqi rejep tayyip erdoghan, partiyesining wilayetlik shöbe bashliqliri kéngeytilgen yighinida söz qilip, jimjitliq ichide ishqa ashurulghan inqilablar déyishke bolidighan nurghun islahatlar arqiliq türkiyening chéhrini pütünley özgertkenliklirini eskertti.

u mundaq dédi: «peqet yéqinqi ikki – üch yilda élip barghan islahatlirimizning özila öz aldigha bir dastandur. bashqurush sistémisi izdinishlirining yüksek pellisi bolghan jumhur reislik hökümet sistémisini dölitimizde bir turghuzduq. türkiye mahiyetlik shekilde bashqurush sheklidiki özgirishlerni bashtin kechürdi.»

jumhur reis erdoghan, türkiyeni aldimizdiki mezgillerde yürüshige yétekchilik qilidighan sighdurushchan, ochuq – ashkara, démokratik, erkinlikni yaqlighuchi bir asasiy qanungha ige qilidighanliqlirini bildürdi.

seyshenbe küni kishilik hoquq heriket pilanini jamaetchilik bilen ortaqlashqanliqlirini eslitip ötken erdoghan, aldimizdiki hepte iqtisadiy islahat pilanini élan qilidighanliqlirini eskertti.

türkiyening iqtisadiy éshish nisbitining %1.8 ge yetkenlikini bildürgen erdoghan, yershari xaraktérlik saghlamliq kirizisi yüz bergen bir mezgilde türkiyening éshishni qolgha keltürgen az sandiki döletlerning qatardin orun alghanliqini sözlirige ilawe qildi.