erdoghan «xojali qetliami» munasiwiti bilen bayanat élan qildi
jumhur reis rejep tayyip erdoghan «xojali qetliami» munasiwiti bilen élan qilghan bayanatida, ezerbeyjanning heqqaniy kürishini qollashni dawamlashturidighanliqlirini éytti.
türkiye awazi radiyosi xewiri: jumhur reis erdoghan, ammiwi ortaqlishish tor béti Twitter sehipiside, «xojali qetliami» ning 29 – yilliqi munasiwiti bilen élan qilghan bayanatida, mundaq dédi: «buningdin 29 yil burun xojalida wehshilerche qetl qilinghan ezerbeyjanliq qérindashlirimizni yad étimen, yillar ötüp ketken bolsimu, lékin, azab – oqubetliri, qayghu – hesretliri we derd – elemliri menggü ésimizdin chiqmaydighan, pütkül rohiy dunyayimiz tekrar elem déngizigha chömüp kétidighan <xojali qetliami> ning 29 – yilliqi munasiwiti bilen, ayallar, balilar, yashanghanlar démestin rehimsizlerche qetl qilinghan 613 ezerbeyjanliq qérindishimizni yad étimen dost we qérindash dölet ezerbeyjan xelqige teziye bildürimen, biz <bir millet, ikki dölet> miz, türkiye döliti bolush süpitimiz bilen, heqqaniy kürishide ezerbeyjanni qollashni dawamlashturimiz.»