türkiye kongoda yüz bergen hujumni eyiblep, italiyege teziye bildürdi
türkiye kongo démokratik jumhuriyitining sherqiy qismida birleshken döletler teshkilati (b d t) dunya ashliq pilan mehkimisi aptomobil etritige qilinghan hujumni qattiq eyiblep, hujumda hayatidin ayrilghanlargha teziye bildürdi.
1588755
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, kongo démokratik jumhuriyitining sherqidiki goma shehiride b d t aptomobillirining hujumgha uchrap, italiyening kinshasada turushluq bash elchisi luka attanasiyo bilen uning yéqin qoghdighuchisi we bir shopurning qaza qilghanliqidin chongqur qayghurush ichide xewer tépilghanliqini bildürdi.
bayanatta: «biz bu qebih hujumni qattiq eyibleymiz, dostane italiye xelqi we hökümitining azabini ortaqlishimiz, hayatidin ayrilghanlarning aile - tawabiatliri we tughqanliridin semimiy hal soraymiz» dégen ibarilerge orun bérildi.
kongo démokratik jumhuriyitining sherqidiki goma we bukawu sheherliri otturisidiki tash yolda tünügün shu yer waqti 10:00 etrapida, b d t dunya ashliq pilan mehkimisining aptomobillar etriti yénik qorallar bilen qorallanghan bir top térorchilarning hujumgha uchrighanidi.
weqede, 2017 - yildin bashlap italiyening kongo démokratik jumhuriyitide wezipe ötewatqan bash elchisi 43 yashliq luka attanasiyo, qoghdighuchisi wittériyo ikowakki we dunya ashliq pilan mehkimisi shopuri qaza qilghanidi.
مۇناسىۋەتلىك خەۋەرلەر
türkiye ghezzege dawamliq insanperwerlik yardimi qilmaqta
türkiyening ghezzege qilghan omumiy insanperwerlik yardimi 52 ming tonnidin ashti.