türkiye shimaliy qibrisni yene 40 ming quta «kowid – 19» waksinisi bilen teminlidi

+ türkiye awazi radiyosi xewiri: shimaliy qibris türk jumhuriyiti sehiye ministiri eli pilli, herdaimqigha oxshashla «kowid – 19» yuqumi mezgilidimu izchil yardem bérip kéliwatqanliqi üchün, türkiye jumhuriyiti jumhur reisi rejep tayyip erdoghan, muawin jumhur reis fuat oktay we sehiye ministiri fahrettin kojagha minnetdarliq bildürdi, hemde waksinining nahayiti muhimliqini tekitlep mundaq dédi: «dunyada qiyinchiliq shundaq köp we waksina tépish intayin  qiyin bir peytte, türkiye herdaim bizge yardem bérip keldi, waksina mesilisidimu bizni yalghuz tashlap qoymidi, türkiye bizni 80 ming quta waksina bilen teminlidi, 40 ming quta waksinini emliduq, qalghan 40 ming quta waksiininimu aldimizdiki künlerde sistémiliq halda emleshni dawamlashturimiz.»

waksina emlesh pilanining sistémiliq halda dawamlishiwatqanliqini qeyt qilghan pilli, aldi bilen sehiye xadimliri we 65 yashtin yuqiri puqralargha, andin pütkül xelqke waksina emlinidighanliqini eskertish bilen bir waqitta, waksina emlesh arqiliq «kowid – 19» yuqumini kontrol astigha élish we aprél éyida barliq ish orunlirini échishni nishan qiliwatqanliqlirinimu sözlirige ilawe qildi.