jumhur reislik xewpsizlik we tashqi siyasetler kéngishi yighini échildi
jumhur reislik mehkimisi xewpsizlik we tashqi siyasetler kéngishi yighini, tünügün (2021-yili 10-féwral) jumhur reislik mehkimisining bayanatchisi we kéngeshning bash wekili ibrahim kalinning bashchiliqida échildi.
türkiye awazi radiyosi xewiri: paytext enqerediki jumhur reislik sariyida jumhur reislik mehkimisi xewpsizlik we tashqi siyasetler kéngishi yighini échildi.
yighinda, türkiye-amérika munasiwetliri, liwiyening nöwettiki weziyiti, sherqiy aqdéngiz, yawropa ittipaqi bilen bolan munasiwetler we tashqi siyasettiki yéngi mesililer muzakire qilindi.
yighinda, yéngi mezgilde türkiye-amérika munasiwetlirining küntertipidin orun alghan mesililer heqqide yolgha qoyulidighan siyasetler muzakire qilindi.
liwiyede mushu yil (2021) axiri ötküzülüshi pilan qilinghan saylamghiche wezipe ötesh üchün teshkillengen waqitliq hökümettin hés qilinghan memnunluqlar tilgha élinghan yighinda, liwiyede uzun muddetlik tinchliq we muqimliqni kapaletke ige qilidighan siyasiy hel qilish musapisigha, türkiyening qandaq hesse qoshalaydighanliqi üstide özara pikir almashturuldi.
yighinda, türkiyening sherqiy aqdéngizda tinchliq we adil bölüshüshni qollaydighanliqi tekitlinip, heq-hoquqlirini we menpeetlirini qoghdashtiki qetiy iradisi tekrarlandi.
türkiye bilen girétsiye otturisida dawamlishiiwatqan uchrishishlarmu muzakire qilinghan yighinda yene, türkiyening ijabiy pozitsiyesining nezerge élinishi kérekliki eskertildi.
yighinda, türkiye-yawropa ittipaqi munasiwetliride istratégiyelik aldin ehmiyet bérilidighan mesililer, ortaq nishan we menpeetler üstide özara hemkarliqlarni kücheytidighan qedemlerni bésishning ehmiyiti tekitlendi.
yighinda, muawin qatnash ministiri ömer fatih sayan «türkiyening dölet tor bixeterlik xizmetliri» témisida melumat bérip, türkiyening yüz bérish éhtimali bolghan tor hujumliridin mudapielinish iqtidari we bu sahede qilinghan yéngiliqlarni, kéngesh ezaliri bilen ortaqlashti.
