aygha chiqish jumhuriyetning 100-yili nishani arisidin orun aldi
türkiye jumhur reisi rejep tayyip erdoghan jumhuriyetning 100-yili nishanliri arisigha, aygha qonush layihesinimu qoshti.
türkiye awazi radiyosi xewiri: türkiyening milliy alem pirogrammisini tonitish murasimi, jumhur reis rejep tayyip erdoghanning qedem teshrip qilishi bilen xelq kongre we medeniyet merkizide ötküzüldi.
jumhur reis rejep tayyip erdoghan: «yüz yillar boyiche yer yüzide adaletning, exlaqning we tinchliqning bashlamchisi bolghan medeniyitimizning kök yüzidiki sepirige ishik izdewatimiz» dédi.
u milliy alem pirogrammisida birinchi we eng muhim nishanning, jumhuriyetning 100-yili (2023) da, ay bilen birinchi qéitmliq uchrishishni emelge ashurush ikenlikini bildürüp: «2023-yilining axirida, yer sharining orbétasigha qoyup béridighan özimizning milliy we özgiche alahidilikke ige rakétamiz bilen, aygha qonushni emelge ashurimiz» dédi.
u yene mundaq dédi:
«medeniyet jughrapiyemizning simwoli bolghan hilalni, ay yultuzluq bayriqimizni aygha ewetishning sheripini xelqqe teqdim qilmiz. milliy alem pirogrammisidiki axirqi nishan, bir türkiye puqrasini aygha ewetish. buni sayahetchi süpitide emes, belki kelgüsi ewladlargha yol körsitidighan bilim wezipisi süpitide layiheleymiz» dédi.
