besh térrorchi xewpsizlik küchlirige teslim boldi

türkiye awazi radiyosi xewiri: türkiye jumhuriyiti ichki ishlar ministirliqi bayanat élan qilip, bölgünchi térrorluq teshkilati p k k ezasi besh térrorchining qayil qilish xizmetliri sayisida teslim bolghanliqini, teslim bolghan térrorchilardin birining diyarbakirda ailisining 520 kündin buyan «perzentini kütüsh qarawulluqi»da turuwatqan aililerdin biri ikenlikini uqturdi.

ichki ishlar ministirliqining bayanatigha qarighanda, ministirliqning orunlashturushigha asasen jamaet xewpsizlik bash idarisi bilen zhandarma bash qomandanliqi élip barghan qayil qilish xizmetliri netijiside, p k k / k j k térrorluq teshkilatidin qachqan besh térrorchi xewpsizlik küchlirige teslim bolghan.

bayanatta, teslim bolghan teshkilat ezaliridin birining ailisining diyarbakirda 520 kündin béri «perzentini kütüsh qarawulluqi»da turuwatqan aililerning biri ikenliki eskertilip: «bu qétim teslim bolghan teshkilat ezasini qoshqanda perzent kütüsh qarawolluqida turuwatqan 23- aile perzenti bilen körüshti. 2021 – yili ichide peqet qayil qilish arqiliqla teslim bolghanlar sani 21 ge yetti» dégen ibarilerge orun bérildi.

teslim bolghan térrorchilarning 2008, 2010 we 2015-yilliri térrorluq teshkilatigha qatnashqanliqi we yéqinda iraq we süriyede paaliyet élip barghanliqi éniqlandi.