bügün jumhur reislik kabinéti yighini chaqirilidu

türkiye awazi radiyosi xewiri:yighinning asasliq küntertipi kowid-19 gha qarshi küresh bolidu we sehiye ministiri fahrettin koja bu heqte doklat béridu.

yighinda tedbirlerning sanliq melumatta eks étishi bahalinidu, tedbirlerning yumshitilishi yaki dawamlashturushi qarar qilinidu.

waksina emlesh kaléndarimu muzakire üstilidiki témilarning birsi bolidu. xitay, gérmaniye we rusiye bilen élip bériliwatqan waksina xizmetliri shundaqla dölet ichidiki waksina emlesh xizmetliri muzakire qilinidu.

yighinda mekteplerde yüzturane maaripning bashlinidighan yaki bashlanmaydighanliqi we hökümetning muhim témiliridin birsi bolghan islahat musapisimu kün tertipte bolidu.

alaqidar ministirlar edliye we iqtisadiy islahat xizmitidiki eng yéngi ehwallarni ortaqlishidu.

tashqi siyaset témisida, yawropa ittipaqi we amérika bilen bashlanghan yéngi jeryan bahalinidu. aldimizdiki künlerde ötküzülidighan türkiye-yawropa ittipaqi bashliqlar yighini shundaqla sherqiy aqdéngiz konféransi teyyarliqliri muzakire qilinidu.