dölet xewpsizlik orgini yighini bügün chaqirilidu

türkiye awazi radiyosi xewiri: dölet xewpsizlik kéngishining bu yilqi tunji qétimliq yighinida, sherqiy aqdéngizdiki özgirishler, türkiye armiyesining ezerbeyjan, liwiye we süriyediki paaliyetliri, shundaqla térrorluqqa qarshi turush küreshliri qatarliq istratégiyelik ehmiyetke ige mesililerning muzakire qilinishi kütülmekte.

türkiye bilen girétsiye otturisidiki ege déngizi we sherqiy aqdéngizgha munasiwetlik mesililerni hel qilish meqsitide eslige keltürülgen izdinish söhbetliriningmu bügünki yighinining asasliq küntertipliri qatardin orun élishi pilanlanmaqta.

bu arqa körünüshte türkiye bilen shimaliy qibris türk jumhuriyitining sherqiy aqdéngizdiki menpeetlirini qoghdash yolida tashlinidighan qedemlerningmu yighinda muzakire qilinishi mölcherlenmekte.

yighinda, süriye mesilisi bilen türkiye armiyesining ezerbeyjan we liwiyediki paaliyetliri hemde türkiyening jenubida élip bériliwatqan térrorchi unsurlargha zerbe bérish heriketlirimu muhakime qilinidu.

buningdin bashqa p k k / k j k – p y d / y p g, fetö we daésh qatarliq barliq térrorluq teshkilatlirigha qarshi élip bérilghan zerbe bérish heriketliri bilen rayonluq we dölet xewpsizlik mesililirige munasiwetlik témilar toghrisidimu muzakire élip bérilidu.