hulusi akar bilen yashar güler iraqta bir qatar uchrishishlarni élip bardi

türkiye awazi radiyosi xewiri: iraq pirézidéntliq mehkimisining axbarat ishxanisi iraq pirézidénti berhem salihning türkiye dölet mudapie ministiri hulusi akar we armiye ishtab bashliqi yashar güler bilen körüshkenliki toghrisida bayanat élan qildi.

bayanatta, körüshüshte, barliq sahelerde hemkarliq ornitish we «iraqning héchkimge hujum qilish jayi bolmasliqi» kéreklikining tekitlengenliki qeyt qilindi.

bayanatta bildürülishiche, türkiye dölet mudapie ministiri hulusi akar iraqning zémin pütünlüki we muqimliqigha hörmet qilidighanliqlirini bildürüp, özara hemkarlishish we kordinatsiyening muhim ehmiyitini eskertti.

hulusi akar bilen yashar güler iraq pirézidénti berhem salih bilen körüshüshini axirlashturghandin kéyin, iraq ichki ishlar ministirliqigha bardi. bu yerde akar we güler, iraq ichki ishlar ministiri osman eli ferhud el ganimi teripidin murasim bilen kütüwélindi.

hulusi akar we yashar güler iraq ichki ishlar ministirliqidiki uchrishishlirini axirlashturup, türkiyening baghdadtiki elchixanisini ziyaret qildi we arqidin erbilge qarap yürüp ketti.

hulusi akar we yashar güler iraq pirézidénti berhem salih bilen körüshüshtin burun, bash ministir mustafa el kazimi resmiy ziyaret üchün baghdadqa kelgen hökümet binasida qobul qilghan idi.

iraq bash ministirliq ishxanisi yazma bayanat élan qilip, uchrishishta, ikki dölet otturisidiki ortaq mesililer we herbiy hemkarliqlarni kücheytish mesilisining muzakire qilnghanliqini bildürdi.

iraq bash ministiri mustafa el kazimi iraqtin türkiyege qaritilghan térrorist hujumlarni ret qilghanliqlirini we armiyeni kücheytish üchün türkiyening qollishigha éhtiyajliq ikenliklirini qeyt qildi.

bayanatqa asaslanghanda, türkiye dölet mudapie ministiri hulusi akar iraq bash minstiri mustafa el kazimigha xizmitide muweppeqiyetler tilep, türkiye armiyesining iraq armiyesige térrorluqqa qarshi turush, telim-terbiye we meslihetchilik saheliride yardem bérishke teyyar ikenlikini qeyt qildi.