erdoghan: yawropa ittipaqi bizge bergen wedilirige qetiy emel qilmidi
jumhur reis rejep tayyip erdoghan hazirghiche yawropa ittipaqining türkiyege bergen wediliride qetiy turmighanliqini éytti.
türkiye awazi radiyosi xewiri: jumhur reis erdoghan, istanbulda muxbirlargha bayanat berdi.
erdoghan tünügün saldurghan kowid – 19 waksinisining héchqandaq eks tesirining körülmigenlikini bildürüp, 28 kündin kéyin ikkinchi qétim quta waksinini salduridighanliqini éytti.
u türkiye- yawropa yawropa ittipaqi munasiwetliri toghrisida toxtilip: «1963- yildin buyan biz yawropa ittipaqi bilen bolghan munasiwetlirimizni izchil halda ijabiy yüzlinish boyiche dawamlashturushqa tiriship kelduq. epsuski yawropa ittipaqi hazirghiche bergen wedilirini qetiy emelge ashurmidi. hazir biz yéngi basquchta turuwatimiz. ikki terep söhbetlirimiz nahayiti zich halette dawamlashmaqta» dédi.
amérika qoshma ishtatlirining türkiyening rusiyedin s – 400 hawa mudapie sistémilirini sétiwélishidin biaram bolghanliqigha isharet qilghan erdoghan: «bizning mudapie sanaitimiz yolida tashlaydighan qedemlirimizni héchqandaq dölet belgilep bérelmeydu. bu pütünley bizning qararimizgha baghliq ish. biz rusiye bilen s – 400 hawa mudapie sistémilirining birinchi türkümini hel qilghaniduq. ikkinchi türküm dawamlishiwatidu. mushu ayning axirida rusiye bilen körüshüp, nurghun mesililer heqqide sözlishimiz. (amérika pirézidéntliqigha saylanghan jo) baydin hökümitining bu heqte néme deydighanliqini biz bilmeymiz. bizning dewatqinimiz, mudapiemizge munasiwetlik qedemlirimizni biriliridin ruxset élip tashlimaymiz. bir shimaliy atlantik okyan ehdi teshkilati – nato ezasi bolush süpitimiz bilenmu natoda birlikte heriket qiliwatqan döletlerning bizge yönilish belgilep bérishini qetiy qobul qilmaymiz» dégenlerni qeyt qildi.
türkiye F-35 küreshchi ayropilanlirining pulini töligen bolushigha qarimay, amérikaning bu ayropilanlarni hazirghiche bermigenlikini tilgha alghan erdoghan: «amérikaning qilghini ittipaqdishi bir döletke qarita sadir qilghan éghir xataliq. uchrishishlirini ötküzgendin kéyin baydinning baydinning ijabiy qedemlerni tashlishini ümid qilimen» dédi.
