oktay: türkiye qibris türklirini dawamliq qollaydu
muawin jumhur reis fuat oktay türkiyening qibris türklirini dawamliq qollaydighanliqi we qoghdaydighanliqini tekitlidi.
türkiye awazi radiyosi xewiri: shimaliy qibris türk jumhuriyitide 1974 – yili, 14 – awghust küni shéhit qilinghan 14 bala yéqinda kimlikliri éniqlap chiqilghandin kéyin, depne qilinghanidi.
muawin jumhur reis fuat oktay, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «shimaliy qibris türk jumhuriyitide EOKA ning zalimliqi netijiside shéhit bolup ketken nariside balilirimizning ebediy aramgahi bolghan axiretke uzitip qoyulushi, öz waqtida yüz bergen échinishliq xatirilerni yene bir qétim köz aldimizgha keltürdi. qibris arilida türklerning mewjudiyitini yoqqa chiqarghan, yoq qilishqa urunghan we buninggha köz yumghan idéologiye, bügün kündimu mesilini murekkepleshtürüshüwétish sayisida öz mewjudiyitini dawamlashturuwatidu. tünügünkige oxshashla bügünmu, etimu türkiye barliq imkaniyetliri bilen qibris türklirini dawamliq qollaydu, ularning jéni, mal – mülükliri, heq – hoquqliri we menpeetlirini qoghdash, we közitishni qetiy irade bilen dawamlashturidu. bu ölmes heqiqetni pütkül dunya körüshi, mesilini heqqaniyet asasida hel qilish charisi basquchigha hesse qoshushi kérek.»
EOKA: qibris arilini girétsiye qarashliq qilish üchün qurulghan qoralliq teshkilattur.
