erdoghan: «wuxen wirusi» waksinisini emlitimiz
jumhur reis rejep tayyip erdoghan «wuxen wirusi» gha qarshi tetqiq qilip yasap chiqilghan waksinini emlitidighanliqlirini éytti.
türkiye awazi radiyosi xewiri: erdoghan, istanbulda küntertipke alaqidar mesililer heqqide élan qilghan bayanatida, «wuxen wirusi» waksinisi toghruluq toxtilip mundaq dédi: «deslepki qedemde xitay we gérmaniyedin kélidighan waksinilar bilen birlikte basquchimizni ishqa kirishtürimiz. waksina emlitidighanliqimizni ayasofya jameside bir jüme namizidin kéyin élan qilghanidim. barliq xelqimiznimu bu mesilige mushundaq sezgür qarashqa teklip qilimen.»
jumhur reis erdoghan, türkiyening rusiye bilen bolghan munasiwetliri heqqide toxtalghanda, mundaq dédi: «otturimizdiki soda omumiy sommisigha nezer tashlighinimizda, nishanlirimizgha qarap birdek qetiy irade bilen ilgirilewatqanliqimizni körimiz. derweqe, buningdin kéyinmu birlikte algha ilgirileydighanliqimizgha ishinimen.»
u, israiliye – türkiye munasiwetlirining istixbarat saheside dawamlishiwatqanliini eskertip mundaq dédi: «bu yerde israiliyening eng aliy rehberliri bilen bir qisim qiyinchiliqlarni bashtin kechürüwatimiz. israiliyening pelestin siyasiti bizning qizil siziqimiz hésablinidu. derweqe, israiliyening pelestin siyasitini qobul qilishimiz mumkin emes. jümlidin, israiliyening pelestin zéminlirigha qarita tutuwatqan pozitsiyelirini qobul qilishimiz mumkin emes.»