afad idlibqa yardem buyumliri ewetti
türkiye apet we jiddiy ehwallarni bir terep qilish idarisi - afad, süriyening idlib taghliq rayonidiki tertipsiz lagérlarda yashaydighan kelgün qurbanlirigha türkiye qizil hilal ay jemiyiti arqiliq 180 chédir we insanperwerlik yardimi ewetti.
türkiye awazi radiyosi xewiri: apet we jiddiy ehwallarni bir terep qilish idarisi bayanat élan qilip, 2019 - yili 12 - aydin 2020 - yili 3 - ayghiche süriyediki hakimiyet küchlirining hujumliri netijiside idlibning jenubidiki ahaliler rayonliridin türkiye chégrasigha yéqin jaylargha nurghun kishining köchüshke mejbur bolghanliqini eslitip ötti.
bu rayongha texminen bir milyon kishining köchüp kelgenlikige isharet qilinghan bayanatta, ularning bezilirining ijarige alghan ul eslihesiz yerlerge tertipsiz shekilde 50 din 100 giche aililikler sighidighan lagérlarni qurghanliqi tekitlendi.
bu ay yaghqan qattiq yamghur peyda qilghan su apitining idlibning herim rayonidiki tertipsiz lagérlarda yashaydighan kishilergimu ziyan yetküzgenliki bildürülgen bayanatta yene, weqedin kéyinla xatay apet we jiddiy ehwallarni bir terep qilish idarisi bashqarmisi teripidin türkiye qizil hilal ay jemiyiti arqiliq 180 chédir we insanperwerlik yardem buyumlirining rayongha ewetilgenliki qeyt qilindi.
