iraq bash ministiri enqereni ziyaret qilidu

türkiye awazi radiyosi xewiri: iraq bash ministri mustafa elkazimi paytext enqerediki uchrishishliri dairiside, jumhur reislik sariyida rejep tayyip erdoghan bilen körüshidu.

ikki dölet otturisida barliq sahelerdiki munasiwetlerning süritini tézleshtürüsh kütülgen mezkur ziyarette, bölgünchi térrorluq teshkilati p k k ning iraqtiki mal-mülkining küntertipke kélishi, mustafa elkazimining térrorluq teshkilatining iraqtiki qanunsiz teshkillinishini axirlashturush teklip qilinghan sinjar kélishimining ijra qilinishigha munasiwetlik melumat bérishi perez qilinmaqta.

ziyarette, ikki dölet otturisidiki soda hejimini ashurush we türkiye shirketlirining térrorluq teshkilati daésh buzghunchiliq qilghan rayonlarning qaytidin qurulushi dairiside iraqtiki sélinma layihelirimu küntertip maddisi qataridin orun alidu.

iraq bash ministiri elkazimining bu qétimqi enqere ziyariti, u wezipige olturghandin kéyinki tunji ziyaret bolup hésablinidu.

iraqning enqerede turushluq bash elchisi hesen jebani 13-dékabir iraqta chiqidighan resmiy gézit «sabah» ta bayanat élan qilip, bash ministir elkazimining jumhur reis rejep tayyip erdoghanning teklipige binaen yuqiri derijilik heyet bilen ziyarette bolidighan enqerede, ikki dölet otturisida xewpsizlik we iqtisadiy mesililerni muzakire qilidighanliqini bildürgen idi.

u: «bash ministir elkazimi uchrishishlarda térroristlarning chégradin ötüshining aldini élish we ulargha qarshi ortaq küresh qilish arqiliq 15 milyard bolghan soda omumiy hejimini ashurush mesilisi muzakire qilinidu. ziyarette yene, su mesilisi, chégra bixeterliki we néfit éksporti qatarliq mesililermu muzakire qilinidu» dégen idi.

u iraq bilen türkiye otturisidiki aliy istratégiyelik hemkarliq kéngishiningmu heriketke ötküzülidighanliqini qeyt qilghan idi.

bu jeryanda, iraq bash ministiri mustafa elkazimining ziyaritidin burun iraq tashqi ishlar ministiri fuad hüseyinning enqerede bolidighanliqi bildürüldi.