shentop we fuat oktay ezerbeyjanning zeper künini tebriklidi
türkiye büyük millet mejlisi (parlaménti) bashliqi mustafa shentop ezerbeyjanning «zeper küni» munasiwiti bilen tebrik télégrammisi élan qildi.
türkiye awazi radiyosi xewiri: türkiye büyük millet mejlisi bashliqi mustafa shentop twittérda hembehrligen uchurida: «bir weten herikitide zor ghelibilerni qolgha keltürgen jan ezerbeyjanning zeper künini tebrikleymiz. qarabaghda ezerbeyjan türklirining bayriqini ésish, zulum we ishghaliyetni axirlashturush üchün shahadet ichishke yügürgen 2 ming 783 qehrimanimizgha allahtin rehmet tileymiz. yashisun ikki dölet, bir millet» dédi.
u hembehirligen uchurigha, türkiye jumhur reisi rejep tayyip erdoghan bilen ezerbeyjan pirézidénti ilham eliyéwning, erméniyening ishghaliyiti astidiki ezerbeyjan zéminlirining azad qilinghanliqi munasiwiti bilen bakudiki dangliq azadliq meydanida ötküzülgen zeper paratida tartilghan bir fotografni qoydi.
muawin jumhur reis fuat oktaymu erméniyening ishghaliyiti astidiki ezerbeyjan zéminlirining azad qilinghanliqi munasiwiti bilen ötküzülgen zeper paratini tebriklep, twittérda uchur hembehirlidi.
u: «44 kün dawamlashqan weten urushida ghelibe qilip, aridin 30 yil ötkende qarabaghni qayta weten qoynigha qayturup kelgen qehriman ezerbeyjan armiyesini we zeper künini tebrikleymen. türkiye bolush süpitimiz bilen, bundin kéyinmu pütkül imkaniyetlirimiz bilen jan ezerbeyjanni dawamliq qollaymiz» dédi.
