türkiye girétsiyeni diyalogqa chaqirdi
türkiye girétsiye bilen özara mesililerni peqet üstelde, diyalog we hemkarliq arqiliqla hel qilghili bolidighanliqini bildürdi.
türkiye awazi radiyosi xewiri: tashqi ishlar ministirliqi bayanatchisis hami aqsoy girétsiye metbuatliridiki «türkiyening yawropa ittipaqi rehberliri yighinidin ilgiri ege we aq déngizidiki herbiy paaliyetlirini kücheytti» dégen xewerler toghrisidiki soallargha jawab berdi.
hami aqsoy bu xewerlerning toghra emeslikini tekitlep, «del eksiche girétsiye 20 - öktebirdin bashlap ege déngizi we sherqiy aq déngizda 24 qétim herbiy paaliyet élip baridighanliqini élan qilish arqiliq rayonda ighwagerchilik we jiddiylikni kücheytidighan herbiy paaliyetlirini dawamlashturmaqta» dédi.
girétsiyening 9 - öktebirdin béri shimaliy atlantik ehdi teshkilati herbiy dairiliri teripidin uyushturulghan yighinlarghimu qatnashmighanliqini bildürgen hami aqsoy: «girétsiye türkiye bilen bolghan mesililirini bashqilardin yardem kütüsh bilen emes, belki peqet türkiye bilen üstelde olturush, hemkarliq we diyalog arqiliqla hel qilalaydu» dédi.
