erdoghan: ayallirimizning heq-hoquqini qoghdash boynimizning qerzi
türkiye jumhur reisi rejep tayyip erdoghan ayallarning heq-hoquqlirini nishan qilghan her qandaq kishining qarshisida tik turushning boyunlirining qerzi ikenlikini éytti.
türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesining merkizide, «türk ayallirining saylash we saylinish hoquqini qolgha keltürgenlikining 86-yilliqi» munasiwiti bilen ötküzülgen pirogrammida söz qildi.
u: «ailige qaritilghan her qandaq hujumni we tehditni mewjutluqimizgha biwaste qilinghan hujum dep qaraymiz. zorawanliqqa uchrighan ayalni qandaq qoghdighan bolsaq, bölgünchi térrorluq teshkilati p k k teripidin taghqa élip qéchilghan qizlirimiznimu shundaq qoghdashqa mejburmiz. héchkim héchkimning mal-mülki emes. ayallarningmu birsining méli hésablinishini we mesuliyetsizlerche qilinghan muamililerge duchar bolushini qobul qilghili bolmaydu» dédi.
u sözini mundaq dawamlashturdi:
«parakenchilikke uchrighan her qandaq ayalni qandaq qoghdighan bolsaq, étiqadi we kiyim-kéchek sewebidin ayrimichiliqqa duchar bolghan qizlirimiznimu shundaq qoghdash, bizning wezipimiz hésablinidu. ayallarning heq-hoquqlirini nishan qilghan her qandaq kishining qarshisida tik turush, insan bolush süpitimiz bilen boynimizning qerzi.»
