türkiye telebyadliqlargha her jehettin yardemchi bolushni dawamlashturmaqta

türkiye awazi radiyosi xewiri: tinchliq buliqi herbiy herikiti arqiliq (2019 – yili öktebir – noyabir aylirida) bölgünchi térrorluq teshkilati p k k / y p g unsurliridin xaliylashturulghan süriyening telebyad nahiyeside, xelqning telipige asasen türkiyening qollishi bilen diniy telim – terbiye bérilmekte.

shanliurfa waliyliq mehkimisi bayanat élan qilip, telebyad nahiyeside (türkiyening) shanliurfa wilayiti waliyliq mehkimis süriyege yardem bérish we maslashturush merkizining orunlashturushi boyiche, telebyadliqlargha maddiy we meniwi jehettin yardem bérish xizmetlirining dawamlishiwatqanliqini uqturdi.

bayanatta, turmushning normal izigha chüshüsh süriti tézlik bilen ilgirilewatqan telebyadta xelqning telipige binaen quran kerim we fiqhi derslirining bérilishke bashlighanliqi qeyt qilindi.

shanliurfa eyyubiyye muptiliqining yétekchilikide dawamlashturuluwatqan diniy oqu – oqutush ishlirigha telebyad merkizige qarashliq ebutalib jameside 45, rewze jameside 50, musa bin umeyr jameside 14, daruleytam jameside 20, jenubiyye we sherqiyye yézilirida 25 oqughuchining qatniship, quran kerim we fiqhiy yadlashlirini tügetkenliki, bu dairide jemiy 154 oqughuchigha teqdirname tarqitip bérilgenliki bildürüldi.

yene bir tereptin telebyadtiki 35 mektepning 6 ming oqughuchisigha köchme kinoxana téxnikisidin paydilinip balilar filimliri qoyup bérilgenliki uqturuldi.