erdoghan: reqemlishish fashizmgha bérip toxtaydu
jumhur reis rejep tayyip erdoghan «insanni bir isim yaki reqemdin ibaret dep qaraydighan reqemlishishning aqiwiti fashizmgha bérip toxtaydu. reqemlishish fashizmigha qarshi hemmimiz birlikte küresh qilishimiz kérek» dédi.
türkiye awazi radiyosi xewiri: erdoghan intérnét muhitida ötküzülgen «4 – nöwetlik xelqara ayallar we adalet yighini» ishtirakchilirigha sin körünüshlük xitab qildi.
«reqemlishish fashizmigha qarshi hemmimiz birlikte küresh qilishimiz kérek» dégen jumhur reis erdoghan, «étnik we diniy fashizmning azablirini esirler boyi tarttuq. barliq sahelerde barghanséri omumlishiwatqan reqemlishishning eng chong ajizliqi uchur kontrolluqining künséri monupullishishidur. insanni bir isim yaki reqemdin ibaret dep qaraydighan reqemlishishning aqiwiti fashizmgha bérip toxtaydu. reqemlishish fashizmigha qarshi hemmimiz birlikte küresh qilishimiz, uni yéngishning yollirini izdishimiz kérek. ötken esirdiki urushlar peyda qilghan weyranchiliqni estin chiqirip qoymasliqimiz, reqemlishish bilen birlikte yéngi naheqchiliklerning otturigha chiqishigha tosqunluq qilishimiz lazim» dégenlerni qeyt qildi.
yéqinqi mezgillerdin buyan türkiyege qiliniwatqan tor hujumlirining köpiyip qalghanliqini bildürgen erdoghan, «chégralirimizning bixeterliki qanchilik muhim bolsa, bu uchurlarning saqlinishimu shunchilik muhimdur» dégenlerni sözlirige ilawe qildi.
