t r t world munbiri dékabirda bashlinidu
2020-yilliq t r t world munbiri (TRT World Forum 2020) 1-2- dékabir (2020) künliri «yuqumdin kéyinki dunyaning xelqaraliq tertipi we özgergen dinamiklar» témisida ötküzülidu.
türkiye awazi radiyosi xewiri: 2020 -yilliq t r t world munbiri wuxen wirusi (Kovid-19) sewebidin sinliq échilidighan munberning birinchi künide, türkiye radiyo-téléziye idarisi-t r t mudiriyitining bashliqi we bash mudir ibrahim eren söz qilidu.
dunyaning her qaysi jayliridiki rehberler, mutexessisler, akadémiklar wuxen wirusidin kéyinki özgirishler üstide söz qilidu.
yawropa, asiya we afriqadiki axbaratchiliq birleshmilirining bashliqliri «yuqum mezgilide axbaratchiliq we taratqularning roli» dégen témida muhakimilerni qilidu.
munberning échiwétilgen yighinlirida, «yuqum mezgilide dunya saqliq mesililirining ortaq chariliri», «soda-sanaet we maarip sahesining kélechiki», «sayahetsiz dunya», «yuqum pursetmu yaki axiri yoq xalta kochimu?» qatarliq témilarda muzakireler ötküzülidu.
yépiq yighinlarda, «özgiriwatqan dunya tertipide türkiye tashqi siyasiti», «urush we yuqum:süriye we yemende yashash üchün küresh» we «ezerbeyjan-erméniye toqunushining aqiwiti» qatarliq alahide témilar muzakire qilinidu.
munberge, amérika tashqi ishlar ministirliqining siyaset tüzüsh diréktori pétér bérkowitz (Peter Berkowitz), b d t tereqqiyat pirogrammisi diréktori axim shtayna (Achim Steiner), türkiye jumhur reislik sariyi bayanatchisi ibrahim kalin, piroféssor wirach doxtur mehmet öz qatarliq 40 tin artuq siyasetchi we jamaet erbapliri qatnishidu.
«www.trtworldforum.com» adrésidin 2020-yilliq t r t world munbirigha tizimlatqili we munber heqqide téximu köp melumatlargha ige bolghili bolidu.
