charshenbe küni dölet bixeterlik kéngishi yighini chaqirilidu
dölet bixeterlik kéngishi yighini charshenbe küni (25 - noyabir) jumhur reis rejep tayyip erdoghanning riyasetchilikide bashlinidu.
türkiye awazi radiyosi xewiri: bu yilning 5 - qétimliq dölet bixeterlik kéngishi yighini ezerbeyjanning taghliq qarabagh zepiri we shimaliy qibris türk jumhuriyitidiki yépiq marash rayonining bir qismining échilishidin kéyinki halqiliq peytte ötküzülidighan boldi.
dölet bixeterlik kéngishi yighinida türkiye armiyesining ezerbeyjanda öz üstige alghan wezipisi we sherqiy aq déngizdiki tereqqiyatlar qatarliq muhim istratégiyelik mesililerning muzakire qilinishi mölcherlenmekte.
taghliq qarabaghda türkiye rusiye bilen qurup chiqidighan ortaq merkezde we bu merkezning paaliyetliride, türkiye qoralliq qisimliri xadimlirining qilidighan xizmetliri, dölet bixeterlik kéngishi yighinining kün tertipidiki eng muhim téma bolidighanliqi texmin qilinmaqta.
yighinda yene sherqiy aq déngizda oruch reis burghulash paraxotining wezipe ötesh mudditining 29 – noyabirghiche uzartilishigha alaqidar déngiz rayoni tetqiqat bixeterliki «Navtex» élan qilinishi we bashqa özgirishler muzakire qilinidu.
yighinda türkiye armiyesining liwiyediki paaliyetliri, süriye mesilisi, térorluqqa qarshi küresh we bashqa rayon we dölet bixeterlik mesililirimu muzakire qilinidu.
