erdoghan türkiye éksportchilar mejlisi heyitini qobul qildi

türkiye awazi radiyosi xewiri: jumhur reis erdoghan, istanbulda, türkiye éksportchilar mejlisi heyitini qobul qilghanda sözligen nutiqida, «wuxen wirusi» yuqumining, yawropani öz ichige alghan pütkül dunya bilen birlikte, türkiyenimu qiyin ötkelge duchar qiliwatqanliqini körüsh we bilishning zörürlükini tekitlep mundaq dédi: «qandaq bolushidin  qetiynezer, <wuxen wirusi> basquchini tereqqiy tapqan döletlerdinmu yaxshiraq bashquruwatqanliqimiz hemmige ayan. xelqimizning salametliki bilen iqtisadiy éhtiyajlirimiz otturisidiki eng uyghun tengpungluqni saqlap qalghan halda yolimizni dawamlashturushqa tirishiwatimiz. yer shari xaraktérlik siyasiy we iqtisadiy küch tengpungluqlirida peqet 100 yilda bir qétim körülidighan bir özgirishning yüz bériwatqanliqini hemme birdek bilidu. démokratiyemizni, heq – hoquqlirimizni qoghdap we erkinliklirimizning qurulmisini mustehkemlep, meblegh sélish ishlirini janlandurimiz, iqtisadiy tereqqiyat qedimimizni tézlitimiz we ishqa orunlashturush sewiyemizni yükseldürimiz. shuni alahide tekitlep ötimenki, türkiye yéngi yer shari xaraktérlik, siyasiy we iqtisadiy dunya tertipide küchi hem tesir dairisini kéngeytish üchün, her türlük pursetke, imkaniyetke we ul eslihe qurulushlirigha ige dölettur.»