aqar: ezerbeyjanliq qérindashlirimiz bilen dawamliq bir qelb bolimiz
dölet mudapie ministiri xulusi aqar türkiyening ishghal astidiki barliq zéminlarning ezerbeyjangha qayturup bérilish basquchida ezerbeyjanliq qérindashliri bilen bir qelb bolushni dawamlashturidighanliqlirini éytti.
türkiye awazi radiyosi: aqar, türkiye dölet mudapie ministirliqining ammiwi ortaqlishish tor bétidiki sehipiside, erméniyening taghliq qarabaghdiki ishghaliyitige xatime bergenliki heqqide élan qilghan bayanatida, mundaq dédi: «texminen 30 yildin buyan ishghal astidiki zéminilirini qayturuwélish, erméniyening wehshiylerche hujumlirini axirlashturush yolida hiqqaniy rewishte küresh qiliwatqan we bu küreshni mislisiz pidakarliqi netijiside zeper menzilgahigha yetküzgen ezerbeyjanliq türk qérindashlirimizning shanliq ghelibisini tebrikleymiz. imzalanghan urush toxtitish kélishimidiki shertlerning orundilishi, ishghal qiliwélinghan barliq zéminlarning ezerbeyjangha qayturulushi, rayonda tinchliq we muqimliqning qaytidin ishqa ashurulushi basquchidimu ezerbeyjanliq qérindashlirimiz bilen bir qelb bolushni dawamlashturimiz.»
