erdoghan eliyéwni tebriklidi
jumhur reis rejep tayyip erdoghan ezerbeyjan pirézidénti ilham eliyéwni taghliq qarabaghda qolgha keltürgen zeper munasiwiti bilen tebriklidi.
türkiye awazi radiyosi xewiri: ezerbeyjan pirézidént mehkimisining bildürüshiche, jumhur reis erdoghan bilen pirézidént ilham eliyéw téléfonda körüshken. téléfon söhbitide, ikki rehber, taghliq qarabagh urushida ezerbeyjan qolgha keltürgen shanliq zeper munasiwiti bilen bir – birini tebrikligen.
eliyéw, urush mezgilide ezerbeyjanni siyasiy we meniwi jehettin qollighanliqi üchün, jumhur reis erdoghan we türkiye xelqige yene bir qétim minnetdarliq bildürgen.
jumhur reis erdoghanmu, türkiyening yardimige yuqiri baha bergenliki üchün, ilham eliyéwgha rehmet éytqan.
rehberler, dost we qérindash türkiye bilen ezerbeyjanning bir – birini dawamliq qollaydighanliqini ipadiligen.
taghliq qarabaghda urush toxtitish kélishimini közitish üchün qurulidighan türkiye – rusiye tinchliq saqlash küchi merkizi toghriliqmu muzakire élip barghan rehberler, bu merkezning rayonda uzaq mezgillik tinchliq ornitilishigha hesse qoshidighanliqigha ishinidighanliqlirini qeyt qilghan.
