chawushoghlu bosniye-girtisgowéna we kirodiye diplomatiye ministirliri bilen körüshti

türkiye awazi radiyosi xewiri: dölitimiz tashqi ishlar ministiri mewlüt chawushoghlu bosniye-girtisgowéna diplomatiye ministiri biséra turkowich we kirodiye diplomatiye ministiri  gorlan girlich radman bilen körüshti.

chawushoghlu, tünügün antalyaning belek sayahet merkizidiki bir méhmansarayda chaqirilghan «sherqiy jenubiy yawropa elliri hemkarliq musapisi gheyriy resmiy diplomatiye ministirliri yighini» dairiside, bosniye-girtisgowéna diplomatiye ministiri biséra turkowich bilen bir yerge jem boldi.

ikki ministirning uchrishishida, tashqi ishlar ministirliqliri otturisida diplomatik arxip we kélishim layiheliri saheliride hemkarliqqa alaqidar kélishim layihesi imzalandi.

chawushoghlu, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «bosniye-girtisgowénaning muqimliqi we pütünlükini küchlük shekilde qollashni dawamlashturimiz.»

tashqi ishlar ministiri mewlüt chawushoghlu, kéyinche  kirodiye diplomatiye ministiri  gorlan girlich radman bilenmu körüshti.

uchrishishtin kéyin, ammiwi ortaqlishish tor béti Twitter sehipiside bu heqte bayanat élan qilghan chawushoghlu, kespdishi bilen türkiye – kirodiye munasiwetliri we  rayonluq mesililer heqqide muzakire élip barghanliqlirini tekitlep mundaq dédi