erdoghan: türkiyeni tebiiy apetlerge teyyar haletke kültürimiz
jumhur reis rejep tayyip erdoghan türkiyeni tebiiy apetlerge teyyar haletke keltürüsh üchün kéche - kündüz xizmet ishleshni dawamlashturidighanliqlirini éytti.
türkiye awazi radiyosi xewiri: jumhur reis erdoghan, adalet we tereqqiyat partiyesi merkizide chaqirilghan aq partiyening wilayetlik shöbe mesulliri yighinida qilghan sözide, izmirda yüz bergen yer tewreshtin kéyin ishqa kirishtürülgen izdesh – qutquzush paaliyetlirining tamamlanghanliqini, yer tewresh apitide 114 kishining hayatidin ayrilghanliqini, 1035 kishining yarilanghanliqini éytti.
yer tewresh apitide talapetke uchrighanlarning barliq éhtiyajlirini toluq qamdighanliqlirini eskertken erdoghan, xarabiliklerni bir terep qilish paaliyetlirining eng qisqa waqit ichide tamamlinidighanliqini, bir ay ichide yer tewreshke chidamliq binalarning sélinishqa bashlinidighanliqini tekitlep mundaq dédi: «istanbulni öz ichige alghan yer tewresh xewpi yüksek wilayetlerde ishliniwatqan xizmetlerning süritini tézlitish intayin zörürdur. téxiche rémunt qilishqa tégishlik 6 milyon 700 ming turalghumiz bar. biz kéche-kündüz xizmet ishlep, wetinimizni tebiiy apetlerge, bolupmu yer tewreshke teyyar haletke keltürimiz.»
