haqqarida nurghun térrorchi bir terep qilindi
haqqari wilayitining shemdinli chégra rayonida bölgünchi térrorluq teshkilati p k k ezasi 5 térrorchi bir terep qilindi.
türkiye awazi radiyosi xewiri: türkiye dölet mudapie ministirliqining ammiwi ortaqlishish tor béti Twitter sehipiside, bu heqte élan qilghan bayanatida, haqqarining shemdinli chégra rayonida bir terep qilinghan térrorchilar sanining 5 ke yetkinliki eskertilip mundaq déyildi: «haqqari wilayitining shemdinli chégra rayonida charlash we közitish wasitiliri arqiliq hujumgha ötüshke teyyarliniwatqanliqi éniqlap chiqilghan bölgünchi térrorluq teshkilati p k k ezasi 2 térrorchi bir terep qilindi.»
ministirliqning kéyinche élan qilghan bayanatida, rayonda yene bölgünchi térrorluq teshkilati p k k ezasi 3 térrorchining bir terep qilinghanliqi tekitlinip mundaq déyildi: «ilgiri – kéyin bolup, rayonda bir terep qilinghan térrorchilarning sani 5 ke yetti. shemdinli balqayalar rayonida bir terep qilinghan 5 térrorchining, derejik rayonida ishlewatqan we méhnet qilip, tirikchilik qilishtin bashqa meqsiti bolmighan mesum yol ishchiliri qérindashlirimizgha hujum qilghan térrorchilar ikenliki éniqlap chiqildi. xainlarche térrorluq hujumida shéhit bolghan ishchi qérindashlirimizning qéni yerde qalmidi we qalmaydu. rayonda dawamlishiwatqan herbiy heriketlirimiz taki térrorchilar üzül - késil yoqitilghangha qeder üzlüksiz dawamlishidu.»
haqqari wilayitining derejik nahiyeside, bölgünchi térrorluq teshkilati p k k ezasi térrorchilarnng yol ishchilirigha hujum qilishi netijiside 3 ishchi shéhit bolghanidi.
