erdoghan: yawropa elliri démokratiye uqumigha ziyan yetküzüwatidu
jumhur reis rejep tayyip erdoghan yawropa ellirining bir dinning peyghembirige we bir döletning rehbirige tutqan nachar pozitsiyeliri arqiliq démokratiye uqumigha ziyan yetküzüwatqanliqini éytti.
türkiye awazi radiyosi xewiri: jumhur reis rejep tayyip erdoghan, özining rehberlikidiki adalet we tereqqiyat partiyesining, wan wilayetlik atatürk sheher tenterbiye zalida ötküzülgen 7 – nöwetlik pewquladde yighinida, yawropada barghanséri ewj élip kétiwatqan islam düshmenliki toghruluq toxtalghanda, mundaq dédi: « erkinlik namidin, bir dinning peyghembirige we bir döletning rehbirige nachar pozitsiye tutushning ilgharliq ikenlikini ilgiri süridighanlar démokratiye uqumigha ziyan salmaqta. yawropaning qimmet ölchemliri chiqish nuqta qilinip atlanghan seperning, bashqa étiqad sistémiliri we jemiyetlerning simwollirigha qarshi eng peskeshlerche haqaret qilidighan seperlerge aylinip qélishi, hemde buning <erkinlik> namidin otturigha tashlinishi heqiqetenmu epsuslnarliq ishtur. firansiye qatarliq ellerde barghanséri ewj élip kétiwatqan islam düshmenliki, yawropani qanchilighan qétim palaketke ittirgen illetlik idéologiyening téxiche dawamlishiwatqanliqining namayendisidur.»
ighwagerliklerni esla étibargha aymaydighanliqlirini eskertken jumhur reis erdoghan, mundaq dep körsetti: «peyghember eleyhissalamgha qilinghan her bir haqaret pütkül musulmanlarni, manga qilinghan her bir haqaret türkiye jumhuriyiti puqralirini hujum nishani qilmaqta.»
