xatayda térrorluq hujumining aldi élindi

türkiye awazi radiyosi xewiri: xatay shehirining eskenderun nahiyeside, saqchilar kontrol nuqtisida tekshürüsh jeryanida gumanlanghan ikki térrorchini teqib astigha aldi.

bu esnada qéchishqa urunghan bir térrorchi aptomobiligha orunlashturup qoyghan partlatquchni partlitip öldi. yene bir térrorchi bolsa, weqedin kéyinki keng dairilik teqib qilish – tekshürüsh netijiside qolgha chüshti.

xatay waliysi rahmi doghan, süriyedin, bölgünchi térrorluq teshkilati p k k mensubi 4 térrorchining sheherning amanos taghlirigha kelgenlikini, tünügün kechte hemmisining bir terep qilinghanliqini bildürdi.

jumhur reis rejep tayyip erdoghan, bu heqte élan qilghan bayanatida mundaq dédi: «xatayda térrorizmgha qarshi herbiy heriketni muweppeqiyetlik tamamlighanliqi üchün, qehriman dölet xewpsizlik küchlirimizni tebrikleymen.»

jumhur reis erdoghan, ammiwi ortaqlishish tor béti Twitter sehipiside hembehirligen uchurida mundaq dédi: «türkiye nöwette bundaq hujumlar bilen tiz püktürgili hem meshghul qilghili bolidighan bir dölet emestur.»