istanbul sabiha gökchen ayrodurumi yawropadiki eng awat 5- ayrodurum boldi
istanbul sabiha gökchen xelqara ayrodurumi 20-öktebir küni ishqa ashurulghan 429 nöwetchi ayropilan sepiri bilen yawropadiki eng awat 5 – ayrodurum boldi.
türkiye awazi radiyosi xewiri: yawropa awiyatsiye yol bashlash bixeterlik teshkilatining sanliq melumatlirigha qarighanda, 10-ayning 20-küni istanbul sabiha gökchen xelqara ayrodurumida dölet ichi we xelqara awiyatsiye liniyeliride jemiy 429 nöwetchi ayropilan sepiri ishqa ashurulghan. shuning bilen, sabiha gökchen ayrodurumi, «yawropadiki eng awat 5 – ayrodurum» unwanigha érishken.
dölet ichi we xelqara nöwetchi ayropilan seperliride, 560 nöwetchi ayropilan sepiri bilen, amistérdam (gollandiye) - shipol ayrodurumi birinchi, 492 nöwetchi ayropilan sepiri bilen, parizh (fransiye) - charléz dégol ayrodurumi ikkinchi, 452 nöwetchi ayropilan sepiri bilen, london (engiliye) - hésrow ayrodurumi üchinchi, 443 nöwetchi ayropilan sepiri bilen, gérmaniye - firankfort ayrodurumi tötinchi orungha tizilghan.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
