türkiye misir, girétsiye we jenubiy qibrisqa naraziliq bildürdi

türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan yazma bayanatta mundaq déyildi: «jenubiy qibris rum hakimiyitide chaqirilghan <misir – girétsiye we jenubiy qibris bashliqlar yighini> din kéyin élan qilinghan we bu üch terepning ilgiriki yighinliridimu adetke atlanghan, dölitimizge qarshi delil – ispatsiz bohtan we dewalarni öz ichige alghan bayannamini pütünley ret qilimiz. <sherqiy aqdéngizda tinchliq, muqimliq we hemkarliqni qollash> namidin mezkur üch terep teripidin élan qilinghan bayannamining, her qétim türkiyeni hujum nishani qilishi, bu döletlerning esli niyetlirining némilikini otturigha qoymaqta. qibris türkliri we barliq qirghaqdash döletlerni öz ichige alghan keng dairilik bir pozitsiye tutqandila andin  sherqiy aqdéngizda heqiqiy hemkarliq ornatqili bolidu. rayondiki mesililerni yaritiwatqan döletler, zeherxendilik we düshmenlik siyasitini özgertmigen teqdirde, saqliniwatqan mesililerni hel qilghili bolmaydu. sherqiy aqdéngizda hem özimizning heq – hoquqlirimizni hemde qibris türklirining heq – hoquqlirini qoghdashni qetiy dawamlashturimiz.»