türkiye amérikaning oruch reis toghrisidiki eyibleshlirige inkas qayturdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy, amérika tashqi ishlar ministirliqi bayanatchisi morgan ortagusning, oruch reisning sherqiy ottura déngizdiki yer tewresh tetqiqati paaliyiti toghrisidiki bayanatigha dair bir soalgha yazma jawab bérip, «amérika qoshma ishtatlirining, oruch reis paraxotining türkiyening salahiyet tewelikide élip bériwatqan tekshürüsh xizmetlirini tenqid qilishi, éghir tutruqsizliqtur» dédi.

sherqiy ottura déngizda girétsiye – rim ikki terepning ghayet zor déngiz teweliki salahiyet rayoni dewalirini chiritip tashlaydighan séwilla xeritisining qanuniy inawitining yoqluqini élan qilghan amérika we shuninggha oxshash qarashlarni otturigha qoyuwatqan yawropa ittipaqining tutruqsiz heriket qiliwatqanliqini eslitip ötken hami aqsoy sözini dawamlashturup, «ege we aqdéngizda jiddiychilikini ulghaytiwatqan terep türkiye emes, jenubiy qibris rim dairiliri we girétsiyedur» dégenlerni qeyt qildi.