«türkiye xelqining heq – hoquqliri we menepeetliri jan tikip qoghdilidu»

türkiye awazi radiyosi xewiri: dölet xewpsizlik kéngishining jumhur reis rejep tayyip erdoghanning riyasetchilikide jumhur reislik sariyida chaqirilghan yighinidin kéyin élan qilinghan bayannamide, yighinda, p k k/k j k – p  y d/y p g, fethullahchi térrorluq teshkilati we daéshni öz ichige alghan, türkiyening milliy birliki, barawerliki we mewjudiyitige tehdit shekillendürgen barliq térrorluq teshkilatlirigha qarshi dölet ichi - sirtida muweppeqiyetlik halda dawamlashturuluwatqan herbiy heriketler, hemde sherqiy aqdéngizdiki hoquq dairilirigha alaqidar oxshimighan qarashlardin paydilinip, sürkilishni ewj alduruwétishke teshebbus qiliwatqan aktiyorlarning paaliyetliri heqqide muzakire élip bérilghanliqi tekitlinip mundaq déyildi: «yighinda, türkiye xelqining hazirghiche bolghinidek, buningdin kéyinmu, quruqluq, déngiz we hawadiki heq – hoquqliri we tüp menpeetlirining jan tikip qoghdilidighanliqi we bu heqte enqerening esla muresse qilmaydighanliqi yene bir qétim otturigha qoyuldi. gheyriy herbiy salahiyitige ige arallarning qorallandurulushini öz ichige alghan xelqara qanun we shertnamilerge xilap heriketlerni qiliwatqan döletler eqil – parasetke tayinip heriket qilishqa chaqiriq qilindi, rayondiki tebiiy menbelerdin adil behrimen bolush mesiliside türkiyening her munberde we her jehettin diyalog terepdari ikenliki qeyt qilindi. rayonluq we yer shari xaraktérlik ixtilaplarda hemishe heqiqet, heqqaniyet we adalet terepte turup kéliwatqan türkiyening, sherqiy aqdéngiz mesilisige qarita pozitsiyesi we paaliyetliriningmu mushu nuqtini asas qiliwatqanliqi tekitlendi, yawropa ittipaqini öz ichige alghan barliq xelqaraliq teshkilatlar we ixtilaplargha daxil boluwatqan döletlerge, dölitimizning bu pirinsipal meydanigha, hemde türkiye we shimaliy qibris türk jumhuriyitining heq – hoquqliri we tüp menpeetlirige hörmet qilishqa chaqiriq qilindi. süriye we liwiyede qanun – nizamlar asasida térrorizmgha qarshi küresh we muqimliqni ishqa ashurush paaliyetlirini qollawatqan türkiyening, bu döletlerning tinchliq we eminlikke érishishige qarita tutwatqan pozitsiyesining qetiy özgermeydighanliqi otturigha qoyuldi, xelqara jemiyetmu, mezlum milletlerning erkinlikliri we menpeetlirini tartiwalghan qanunsiz küchler, térrorluq teshkilatliri we ularni qollawatqan aktiyorlargha qarshi ijabiy qedemlerni tashlashqa chaqiriq qilindi.»