iraqning shimalida térrorchilargha ejellik zerbe bérildi

türkiye awazi radiyosi xewiri: türkiye dölet mudapie ministirliqining bildürüshiche, iraqning shimalidiki awashin rayonida charlash we közitish wasitiliri arqiliq hujumgha ötüshke teyyarliniwatqanliqi éniqlap chiqilghan, bölgünchi térrorluq teshkilati p k k ezasi ikki térrorchi, hawa hujumi netijiside bir terep qilinghan bolup, herbiy heriketler eng axirqi térrorchi bir terep qilinghangha qeder üzlüksiz dawamlishidiken.

ministirliq teripidin élan qilinghan yene bir bayanatta bildürülüshiche, süriyede firat qalqini rayonigha tajawuz qilghan we soqnup kirishke urunghan p k k/y p g ezasi 3 térrorchi bir terep qilinghan.

bu ariliqta, ichki ishlar ishlar ministirliqi teripidin élan qilinghan bayanatta eskertilishiche, «chaqmaq – 5 herbiy herikiti» dairiside, 22 – awghust xatay – amanoslar rayonida bir terep qilinghan 3 térrorchi, «tutush buyruqi chiqirilghanlar tizimliki» ge kirgüzülgen we uchur yetküzgüchilerge 500 ming liraghiche mukapat bérilidighanliqi uqturulghan «külreng katégoriye» diki térrorchilardin iken.