türkiye qizil ay jemiyiti sudanda insaperwerlik yardemlirini dawamlashturmaqta
türkiye qizil ay jemiyitidin bashqa türkiye ammiwi teshkilatlirimu sudandiki kelkün apitige uchrighan aililerge 500 ming dollar qimmitide insanperwerlik yardem buyumliri tarqitip berdi.
türkiye awazi radiyosi xewiri: türkiye qizil ay jemiyiti sudandiki kelkün apitide paytext xartumning eng köp tesirge uchrighan rayonlirining biri bolghan kalaklediki 432 aile bilen qoshqanda dölet miqyasida texminen 5000 kishige yémeklik posulkisi tarqitip berdi.
türkiye qizil ay jemiyiti sudan wekiller ömikining bashliqi serdar yilmaz kelkündin kéyin derhal insanperwerlik yardem xizmetlirini bashlighan türkiye qizil ay jemiyitining bu qétim paytext xartumning kalakle rayonida 432 ailige yémeklik posulkisi yetküzüp bergenliklini éytti.
serdar yilmaz sudan miqyasida kelkün apitining tesirige uchrighan 50 ming kishige qurbanliq göshi tarqitip bergenlikini we texminen 5 ming kishini yémeklik posulkisi bilen teminligenlikini bildürdi.
türkiye ammiwi teshkilatliri yene kelkün apitige uchrighan aililerge 500 ming dollar qimmitidiki insanperwerlik yardimide boldi.
türkiye ammiwi teshkilatliri yémeklik we taziliq boyumliri bilen toldurulghan posulkilardin bashqa yene, qurbanliq gösh, issiq tamaq, soghuq ötüp kétish we bezgektin qoghdash meqsitide edyal we pasha tori qatarliq yardem boyumlirinimu éhtiyajliq kishilerge yetküzdi.
sudan ichki ishlar ministirliqining sanliq melumatigha asaslanghanda, sudanda bir nechche aydin buyan dawamlishiwatqan shiddetlik yamghur keltürüp chiqarghan kelkünlerde 121 kishi qaza qilghan. 100 mingdin artuq öy kelkün sewebidin qismen yaki pütünley ishletkili bolmaydighan halgha kélip qalghan.
sudan dölet mudapiesi we bixeterlik kéngishi 5 - séntebirde kelkün apiti sewebidin 3 ayliq jiddiy halet élan qilghan idi.
