erdoghan türkiyening 2 ming yilliq tarixiy asasqa ige dölet ikenlikini tekitlidi
erdoghan: «türkiye jumhuriyiti ikki ming yilliq tarixiy asasqa ige qedimiy bir dölettur» dédi.
türkiye awazi radiyosi xewiri: jumhur reis rejep tayyip tiwittér hésabida hel qilish charisi we diyalogni tekitleydighan bir uchur hembehirleshti.
erdoghan her bir semimiy chaqiriqqa qulaq sélip, diplomatiyege orun hazirlash we diyalog arqiliq hemmeylen utuqqa érisheleydighan bir hel qilish charisi tépish niyitide ikenlikini bildürdi.
erdoghan: « türkiye jumhuriyiti ikki ming yilliq tarixiy asasqa ige qedimiy bir dölettur. héchbir chüshkünlükke giriptar bolmastin, barliq musapilerni izzet-hörmitimiz bilen éship, tersalarche ighwagerchiliklerge qetiy pisent qilmay kelmektimiz. biz barliq dostane, semimiy chaqiriqlargha qulaq sélip, diplomatiyege mumkin qeder orun yaritish we mesililerni diyalog yoli arqiliq hemmeylen utuqqa érisheleydighan hel qilish charisigha ige qilish niyitidimiz. biz dölitimizning bir tamche suyi we bir santimétir zémininimu mushu nishan bilen axirighiche qoghdashni dawamlashturimiz» dédi.