erdoghan méshél bilen téléfonlashti

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, jumhur reis erdoghan, bilen yawropa ittipaqi kéngishi bashliqi méshil, asasliqi türkiye- yawropa munasiwiti bolup, sherqiy ottura déngiz (sherqiy aqdéngiz)diki özgirishler toghrisida sözleshken.

jumhur reis erdoghan téléfon söhbiti jeryanida, yawropa ittipaqi organliri we uninggha eza döletlerni «sherqiy ottura déngiz we rayongha alaqidar barliq mesililerde ighwagerchiliklerge aldanmay obyéktip we turaqliq pozitsiye bildürüsh» ke chaqirghan.

türkiyening semimiy diyalog we heqqaniy söhbetler arqiliq her qaysi tereplerning hoquqini qoghdaydighan hel qilish charisi tépish terepdari ikenlikini tekitligen jumhur reis erdoghan, nezerdin saqit qilish urunushliri we bir tereplime tashlanghan qedemlerge qarshi türkiyening her waqit we her yerde özining heq we menpeetlirini qoghdashni qetiy dawamlashturidighanliqini sözlirige ilawe qilghan.