türkiye yawropa parlaméntigha naraziliq bildürdi

türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan bayanatta mundaq déyildi: «yawropa parlaménti omumiy kéngishida, peqet yawropa ittipaqigha ezaliq hemkarliqi namidinla we bir qisim döletlerning menmenchilerche menpeet izdinishlirige xizmet qilish meqsitidila qobul qilinghan, 2020 – yili, 17 – séntebir küni qobul qilinghan tewsiye qararini qobul qilish mumkin emes. eza döletler we yawropa parlaméntini öz ichige alghan yawropa ittipaqining barliq organlirigha her sewiyede ishqa ashurghan teshebbuslirimizgha qarimay bundaq bir tewsiye qararning maqullinishi, yaxshi niyet we soghuqqan bolush pirinsipigha xilaptur. yawropa parlaménti terepbazliq we heqsiz pozitsiyesi, hemde salahiyiti bolmighan déngiz qanunigha alaqidar inawetsiz we bir tereplimilik qarishi arqiliq inawitini yer bilen yeksan qilmaqta.»

yawropa ittipaqi organliri we yawropa parlaméntigha eza döletler otturisidiki talash – tartishliq mesililerde adaletni yaqilashqa chaqiriq qilinghan bayanatta mundaq déyildi: «ne yawropa parlaméntining, ne yawropa ittipaqining, ne yawropa ittipaqigha eza döletlerning, üchinchi döletlerning chégraliri we hoquq sahelirini belgilesh salahiyiti yoqtur. yawropa parlaménti we bashqa yawropa ittipaqi organliri kirizisni hel qilish charisi we yawropa muressechiliki mesiliside semimiy bolsa, undaqta, peqet qoaylashturghuchiliq we muresseleshtürgüchilik rolini jari qildurushi, namzat dölet türkiyege biterep pozitsiye tutushi kérek, döletler ara talash – tartishliq mesililerde adaletni yaqilap, heqliq bolghan terepte turushi we terepbazliq qilmasliqi lazim.»

türkiyening özige qarshi heq - hoquq tonumaydighan pozitsiyeler aldida yaxshi niyitini namayen qilghanliqi, ighwargerlik heriketlirige soghuqqanliq bilen taqabil turghanliqi eskertilgen bayanatta, enqerening hem türkiyening hemde shimaliy qibris türk jumhuriyitining xelqara qanungha asaslinidighan heq – hoquqliri we tüp menpeetlirini jan tikip qoghdashni dawamlashturidighanliqi qeyt qilindi.

yawropa parlaménti omumiy kéngishida, sherqiy aqdéngiz mesiliside türkiyege qarita, qobul qilghili bolmaydighan tewsiye qarari maqullanghanidi.