türkiye qisimliri yazliq heriketliride térorluq teshkilati YPG / PKK gha éghir zerbe berdi
bixeterlik qisimliri yazda élip barghan muweppeqiyetlik heriketliride bölgünchi térorluq teshkilati YPG / PKK ning 277 ezasini ujuqturup, teshkilatqa éghir zerbe berdi.
türkiye awazi radiyosi xewiri: dölet ichi we sirtida élip bérilghan bu heriketlerde ujuqturulghan térorchilar ichide atalmish teshkilat mesulliriningmu barliqi bildürüldi.
bularning ichide qizil renglik tutush buyruqi tizimlikide orun alghan PKK ning atalmish hakurk ölkilik mesuli, kod ismi «agit garzan» we esli ismi murat kalko, apélsin renglik tutush buyruqi tizimlikide orun alghan izzet yigit we bénazir yilmaz hemde külreng tutush buyruqi tizimlikide orun alghan kod ismi «sefkan mardin» esli ismi ferhat atesh qatarliqlarningmu barliqi uqturuldi.
türk mehmetchik eskerliri yene tunjeli, diyarbakir, binggol, erzinjan, erzurum, aghri, qars, hakkari, shirnak, mardin, siyrt, bitlis we wan yéza - qishlarliridiki térorchilarning nurghunlighan panahjay, iskilat we ambarlarnimu bitchit qilip tashlidi.
