türkiye qizil ay jemiyitining kowid-19 gha qarshi yardimi sudangha yétip bardi
türkiye qizil ay we qatar qizil ay jemiyiti teripidin sudanning kowid-19 yuqumigha qarshi kürishini qollash üchün yollanghan we dawalash eslihelirini élip élip mangghan ayropilan paytext xartumgha yétip bardi.
türkiye awazi radiyosi xewiri: türkiye hawa yolliri shirkitige tewe yük ayropilanini xartum ayrodorumida türkiye, qatar we sudan qizil ay jemiyetliri mesulliri qarshi aldi.
türkiye qizil ay jemiyiti, sudan wekiller ömiki bashliqi serdar yilmaz, türkiye qizil ay jemiyiti we sudan qizil ay jemiyitining hemkarliq ornatqanliqini hemde sudanning kowid -19 gha qarshi kürishige hesse qoshush üchün qatarning maliye yadimi bilen türkiye teminligen tibbiy eslihelerni élip mangghan tunji yük ayropilanining sudangha yétip barghanliqini éytti.
yilmaz: yademlerning ete ikkinchisi we bir hepte kéyin axirqi qismi sudangha yétip baridighanliqini bildürüp, «deslepki 2 ayropilanda, 36 türdiki 1151 yéshik we 1 milyon 652 ming 723 parche kowid -19 tekshürüshi üchün qoghdighuchi tibbiy esliheler yollinidu» dédi.
türkiye qizil ay jemiyiti, iyunda sudan qizil ay jemiyitige qoghdash közeyniki, qoghdighuchi xalat, peley we maska qatarliq 105 yéshik tibbiy eysha tapshurghan idi.
sudanda kowid -19 sewebidin 823 kishi qaza qilip, yuqumlanghuchilarning sani 13 ming 189 gha yetti.
