erdoghan yawropa kishilik hoquq mehkimisining bashliqini qobul qildi
jumhur reis rejep tayyip erdoghan jumhur reislik sariyida yawropa kishilik hoquq mehkimisining bashliqi robért spanoni qobul qildi.
türkiye awazi radiyosi xewiri: edliye ministiri abdulhamit gülmu ishtirak qilghan we 45 minut dawamlashqan uchrishishtin kéyin, spano türkiye asasiy qanun mehkimisining bashliqi zühtü arslan bilen bir yerge jem boldi.
asasiy qanun mehkimisining intérnét tor bétide bu heqte élan qilinghan bayanatta eskertilishiche, arslan, asasiy qanun mehkimisidiki uchrishishta, may éyida yawropa kishilik hoquq mehkimisining bashliqliqigha saylanghan spanoni tebrikligen, hemde uni türkiyede körgenlikidin intayin xursen ikenlikini ipadiligen.
spano, kéyinche türkiye büyük millet mejlisi bashliqi mustafa shentop teripidin qobul qilinghan. shentop bu yerde qilghan sözide mundaq dégen: «yawropa kishilik hoquq mehkimisi duch kéliwatqan we barghanséri éghirlishiwatqan ish yüki qatarliq qiyinchiliqlardin xewirimiz bar. bu qiyinchiliqlarni yéngish üchün türkiye zimmisige yüklengen wezipisini ada qilishni dawamlashturidu.»
