erdoghan anitkabirdiki xatire deptirige muhim sözlerni yazdi
jumhur reis rejep tayyip erdoghan türkiye namayan qilghan muweppeqiyetlerning heq - hoquq we dölet menpeetlirini qoghdash iradisining namayendisi bolghanliqini éytti.
türkiye awazi radiyosi xewiri: büyük zeperning 98 – xatire yilida, jumhur reis rejep tayyip erdoghan riyasetchilikidiki dölet erbabliri (jumhuriyetning qurghuchisi atatürkning qebrisi jaylashqan) anitkabirni ziyaret qildi.
jumhur reis erdoghan anitkabir alahide xatire deptirige imza qoydi.
erdoghan xatire deptirige, «eziz atatürk, ulugh ghelibining 98 - xatire yilida sizni we eziz shéhitlirimizni yene bir qétim allahtin rehmet télesh bilen esleymiz. bizge amanet bolghan türkiye jumhuriyitini yükseltish we kücheytish üchün tirishimiz. biz jumhuriyitimizning 100 – xatire yilini qutlaydighan 2023 – yilida, türkiyeni iqtisadiy, herbiy, siyasiy we diplomatiye jehette téximu küchlük, téximu musteqil we téximu bayashat bir döletke aylandurushta qetiy iradige igimiz. süriyedin liwiyegiche, qara déngizdin sherqiy aqdéngizghiche bolghan barliq meydanlarda, biz qolgha keltürgen muhim utuqlar dölitimizning heq – hoquqi we menpeetlirini qoghdash jehettiki iradimizning eng roshen namayendisidur. türkiye bolupmu aq déngizdiki tehdit, popoza we qorqutush xaraktérliq bayanatlargha qetiy bash egmeydu. xelqara qanun we özara kélishimlerdin hasil qilghan heq - hoquqini dawamliq qoghdaydu. rohingiz shad bolsun» dep yazdi.
