chawushoghlu dominika jumhuriyitide pompéyo bilen körüshti

türkiye awazi radiyosi xewiri: mewlüt chawushoghlu resmiy ziyaret üchün yétip barghan dominika jumhuriyitide amérika tashqi ishlar ministiri mayk pompéyo bilen körüshti.

u körüshüshte, küntertiptiki mesililerdin bashqa, liwiyening nöwettiki weziyitinimu muzakire qilghanliqlirini eskertip, amérika bilen mutexesisler sewiyeside muzakirelerni dawamlashturushni qarar qilghanliqlirini qeyt qildi.

u xerite arqiliq türkiyening sherqiy aqdéngizdiki meydanini we bu musapide namayan qilghan ijabiy pozitsiyesini bildürüp, türkiyening heqliq dewasini we déngiz tewelikini chüshendürgenlikini qeyt qildi.

u: «girétsiye daim tetür teshwiqat qilidu. türkiyening toghra qilmighanliqini, xelqara qanungha xilapliq qiliwatqanliqini deydu. biraq, biz qiliwatqan hemme ish xelqara qanungha uyghun» dédi.

u amérika pirézidént namzati jo baydinning türkiye heqqide éytqanlirigha inkas qayturup, démokrat kandidatning 2014-yili ottura sherqte türkiye heqqide qilghan sözliri sewebidin jumhur reis rejep tayyip erdoghangha téléfon qilip epu sorighanliqini xatiriletti.

u emdiki türkiyening burunqi türkiyege oxshimaydighanliqini we türk xelqning bundaq zorlap téngishlarni yiltizidin ret qilidighanliqini bildürdi.

jo baydinning 2019-yili dékabir éyida qilghan sözide, türkiyede öktichilerni qollap hakimiyetni almashturidighanliqliri toghrisidiki setchilikke tolghan ipadiler ashkarilanghan idi.

tashqi ishlar ministiri mewlüt chawushoghlu dominika jumhuriyitining yéngi pirézidénti luyis abinadér korona (LuisAbinader Corona) ning qesem qilip wezipe tapshuruwélish murasimigha ishtirak qildi.