türkiye bilen malta liwiye toghrisida qoshma bayanat élan qildi

türkiye awazi radiyosi xewiri: türkiye bilen malta, xelqaraning étirap qilishigha érishken liwiye döliti milliy yarishish hökümitini qollashni dawamlashturuwatqanliqini,  liwiye krizisining herbiy hel qilish charisining yoqluqini , liwiyening muqimliqi we bixeterlikining intayin muhimliqini bildürdi.

türkiye tashqi ishlar ministirliqi türkiye – malta birleshme bayanatini élan qildi؛ liwiye , malta we türkiye tashqi ishlar ministirlirining, liwiyening nöwettiki weziyiti we üch dölet hemkarliqi toghrisida sözlishish üchün tünügün liwiye paytexti tiripolida  yighin chaqirghanliqi eskertilgen bayanatta,  «türkiye bilen malta, xelqaraning étirap qilishigha érishken liwiye döliti milliy yarishish hökümitini qollashni dawamlashturuwatqanliqini,  liwiye krizisining herbiy hel qilish charisi yoqluqini , liwiyening muqimliqi we bixeterlikining intayin muhimliqini tekitlep ötti» déyildi.

bayanatta , üch dölet wekillirining irini herikiti we heriketning yétersizliklirige dair qarashlirini tilgha élip ötkenliki tekitlinip, töwendiki nuqtilarda kélishim hasil qilinghanliqi qeyt qilindi: «birleshme hemkarliq, malta we türkiye shirketlirining liwiyege qaytishigha, liwiye bilen malta we türkiye otturisidiki awiyatsiye qatnishining qaytidin yolgha qoyulushigha ilham bérishning؛ qanunsiz köchmenlerning yawropa ittipaqighila emes, liwiye üchünmu xewp peyda qiliwatqan bolghachqa, liwiyening jenubiy chégralirini kücheytish, adem sodisi we köchmen etkeschilikige taqabil turushning zörür éhtiyaj ikenlikini eskertti. malta bilen türkiye, liwiye déngiz qirghiqi mudapiesi qisimlirining iqtidarini yuqiri kötürüshke kéreklik bolghan lazimetlikler bilen teminlep, milliy yarishish hökümitini qollashqa teyyar ikenlikini bildürdi.»