erdoghan: ezanimizgha, bayriqimizgha we wetinimizge qol uzitishigha ruxset qilmaymiz

türkiye awazi radiyosi xewiri:  jumhur reis rejep tayyip erdoghan jumhur reislik kabént yighinidin kéyin, axbarat élan qildi.

u: «emdi her sahede özining küchini bilidighan türkiye bar. bizning héchkim heqqide, zéminida, bayliqida közimiz yoq. birdinbir arzuyimiz, özimizning heq-hoquqini, menpeetini qoghdash. muzakire we adil kélishimler arqiliq hel qilghili bolidighan mesililerde, dölitimizni chet qéqishqa urunghanlar, bu jawabqa duch kélidighanliqini bilishi kérek. döletler we xelqler otturisidiki küreshning özgergenlikini bilimiz. siyasiy-iqtisad, herbiy qatarliq her türlük riqabetning özgergen tilida, özimizni izchil yéngilatimiz. hem üstelde hem meydanda küresh qiliwatimiz» dédi.

u ayasofyaning qaytidin ibadetke échilishining, türkiyening igilik hoquqi mesilisidiki qetiy iradisining yéngi ülgiliridin biri ikenlikini eskertip, ayasofyaning jamedin qandaq qilip muzéyigha aylanghanliqini talash-tartish qilishning ehmiyiti yoqluqini bildürdi. u mundaq dédi:

«ayasofyaning adettiki muzéyi bolushining ornigha, sélinish meqsitige uyghun halda ibadetxana bolushining, her dindiki kishilerni xushal qilghanliqigha ishinimiz. bügün yéngidin qesem qilimizki, ezanimizgha, bayriqimizgha we wetinimizge, her qandaq kishining qol uzutishigha ruxset qilmaymiz.türkiye bügün yéngi tirilish kürishini qiliwatidu. büyük we küchlük türkiyeni bina qilimiz.»