bügün türkiyede ministirlar kabinéti yighini chaqirilidu
jumhur reslik kabinéti yighini bügün jumhur res rejep tayyip erdoghanning riyasetchilikide paytext enqerede chaqirilidu.
türkiye awazi radiyosi xewiri: yighinda qurban héyt tedbirliridin bashqa yene, liwiye mesilisi aldinqi qatardiki küntertip maddiliridin biri bolidu.
liwiyede siyasi hel qilish charisi üchün dawamlashturiliwatqan qoyuq diplomatik tirishchanliqlargha qarap chiqilidu. sherqiy aq déngizdiki yéngi özgirishlermu kabinétning kün tertipide bolidu.
türkiyening rayondiki burghilash we charlash paaliyetliride yétip kélingen yéngi bashquchlar muzakire qilinidu.
térorluqqa qarshi küreshmu üsteldiki yene bir muhim küntertip maddisi bolidu.
süriyening shimalidiki özgirishler we térorluq teshkilati PKK / YPG ning qishliq qurulmilirigha qarshi dölet ichi we chégra sirtida élip bériliwatqan heriketler mexsus muzakire qilinidu.
aya sofya jamesining ibadetke échilishi we erméniyening ezerbeyjangha qaratqan hujumlirimu kabinét yighinining kün tertipide bolidu.
yighindin kéyin, jumhur reis erdoghanning bayanat élan qilishi mölcherlenmekte.
