y p g / p k k ezasi bir térrorchi enqerede qolgha chüshürüldi
süriyedin türkiyege qanunsiz yollar arqiliq kirip enqerege kelgen bölgünchi térrorluq teshkilati p k k / y p g ezasi bir térrorchi xewpsizlik küchliri teripidin qolgha chüshürüldi.
türkiye awazi radiyosi xewiri: süriyedin türkiyege qanunsiz yollar arqiliq kirip enqerege kelgen bölgünchi térrorluq teshkilati p k k / y p g ezasi bir térrorchi xewpsizlik küchliri teripidin qolgha chüshürüldi we sot mehkimisining qararigha asasen tutqun qilinip türmige yollandi.
saqchilarning digital tekshürüshliri netijiside gumandarning térrorluq teshkilatining formisini kéygen halda qoralliq chüshken foto – süretlirining barliqi éniqlandi. bölgünchi térrorluq teshkilatining atalmish kattibéshining resimi aldida chüshken foto – süretlirimu bayqalghan we bu arqiliq kimliki éniqlanghan térrorchining süriyediki toqunush rayonlirida wezipe ötigenliki jezmleshtürüldi.
yene bir tereptin, iraqning shimalidiki xakurk rayonida orni éniqlanghan bölgünchi térrorluq teshkilati p k k ezasi 2 térrorchining hawadin zerbe bérish herikiti arqiliq bir terep qilinghanliqi bildürüldi.
türkiye jumhuriyiti dölet mudapie ministirliqi tiwittér adrési arqiliq bayanat bérip, qetiylik bilen dawamlashturuluwatqan herbiy heriketler netijiside, xakurk rayonida orni éniqlanghan p k k ezasi ikki térrorchining hawadin zerbe bérish herikiti arqiliq biterep qilinghanliqini uqturdi.
bayanatta, zerbe bérish heriketlirining üzlüksiz dawamlishiwatqanliqi tekitlendi.
